老虎機

老虎機係幾乎間間賭場都有嘅賭錢機器，玩家入銀仔，然後拉搖桿（或者撳掣），部機會碌出一堆圖案，若果係某啲特定組合，就為之中獎。純機械構造嘅舊款機器，爾家已經好少見。新款嗰啲就冚唪唥係電子嘢，重會收用咭、銀紙同券等等嘅落注。因為老虎機嘅彩池會一直累積，直至有人中大獎，所以吸引到唔少人想「刀仔鋸大樹」，一下子發達。由於入咗嘅銀仔多數都一去無回頭，好似入咗落老虎個口咁，於是就叫「老虎機」。喺澳門，呢樣嘢被官商雅稱做角子機[1]；喺台灣，多數叫做吃角子老虎（機）或者拉霸（機）